Білім алушылардың тірек мектебінің ұстаздарына алғысы ретінде дайындаған "Мектебім саған мың алғыс!" атты алғыс айту күніне арналған қорытынды кеші жоғары деңгейде ұйымдастырылып өткізілді. Магниттік мектептің білім алушылары сессия күндеріндегі әрбір  сәттері үшін ұстаздарға алғысын тілектерімен жеткізді.

   Бейімділік пен  дағдыны  кешенді қалыптастыру мақсатында ұйымдастырылған қысқы оқу аралық сессияның соңғы күні де келіп жетті. Сессия мерзімінде магниттік мектептен барлығы 116 оқушы білім алды. Сабақ кестесі бойынша қызықты, тартымды сабақтар өткізілді. Информатика пәнінен А.Кемелова мен Н.Қасымова "Білім биржасы" тақырыбында  интеллектуалдық сабақ өткізіп, оқушылар белсене қатысты.