«Ұстазым менің, ұстазым!» атты мерекелік концерт

Бүгін, мектебімізде ұстаздар күніне арналған 1-11 сыныптар арасында түрлі іс-шаралар өткізілді. 11 «А», 11 «Б» сынып оқушылары «Ұстазым менің, ұстазым!» атты мерекелік концерт ұйымдастырды. Мерекелік кешке ұстаздар, мектеп әкімшілігі қатысты. Мектеп директоры Бексултанова Мадина Болатқызы мерекелік іс-шараны құттықтау тілегімен ашты. Мерекелік кеш мектеп АКТ залында мерекеге сай безендіріліп өткізілді. Кеште оқушыларымыз өздері дайындаған жыр шумақтарын, оқушылардан құралған хор «Ұстазым» әнін орындап, "Караоке" ойыны ойналып, ән-би өнерлерін ұстаздарына тарту етіп, ұстаздардың ризашылығына бөленді. «Қазақтың тағдыры, келешекте ел болуы да мектебінің қандай негізде құрылуына барып тіреледі. Мектебімізді таза, берік һәм өз жанымызға үйлесетін негізде құра білсек, келешегіміз үшін тайынбай-ақ серттесуге болады» деген Мағжан Жұмабаевтың сөзін негізге алсақ, ұстаз – жас ұрпақтың рухани сәулеткері, қоғам, халық өзінің болашағын тапсыратын сенімді өкілі. Олар зерделі де зерек, парасатты, ұлттық және адамзаттық құндылықтарды бойына дарытқан тұлғаларды, жалпы адамзатты тәрбиелейді. Себебі, мейлі шахтер, ғалым, дәрігер, инженер, ғарышкер болсын барлығы да ұстаздан білім алады. Сондықтан да бүгінгі кәсіби мерекемізбен құттықтап, көңілге қуаныш сыйлағандарыңызға мың алғыс,» –деп ұстаздар шәкірттеріне ізгі ілтипаттарын білдірді.
Кеш соңында бітіруші сынып оқушылары ұстаздарына арнап «Ұстазым» әнін хормен орындап, домбырашылар "Балбырауын" күйін тартулады.