"Қош келдің, Әз-Наурыз!" мерекелік іс-шара

"Дәстүр мен ғұрып" жобасы аясында және наурыз мерекесіне орай білім алушыларды қазақтың ұлттық мерекесі — Наурыз мейрамы туралы оқушыларды ұлтжандылыққа, дәстүрлерді қастерлей білуге тәрбиелеу. мақсатында "Қош келдің, Әз-Наурыз!" тақырыбында мерекелік іс-шара болып өтті. 11 сынып мектеп түлектері мектеп-гимназиямызда ұлттық нақышта безендіріп, ұлттық киімде келген ата-аналар, ұстаздар, қонақтарды "Наурыз" туралы ән және қазақтың ұлттық тағамдарын ұсынып қарсы алды. Іс -шара мектептің акт залында ұласып, мектеп-гимназиямыздың директоры Мадина Болатқызы және ардагер ұстазымыз Бағила Тұралықызы Ұлыстың ұлы күні мерекесімен құттықтап, баталарын берсе,"Ақ әжелер" шашу шашып, отпен аластап, Қыдыр атаның бата беруімен ұласты. "Тұсаукесер", "Қазан шегелеу" салт-дәстүрлері көрсетіліп, әндер айтылып, билер биленді. Соңында әр сынып ата-аналары дайындаған "Наурыз көжеден" ауыз тиіп, шат-шадыман көңіл-күйде тарқасты.