«Ғарыш ғаламаты» атты көрме туралы хабарлама
Жамбыл облысы Меркі ауданы әкімдігінің білім бөлімінің
«№1 жалпы орта білім беретін мектеп-гимназиясы» КММ
«Ғарыш ғаламаты» атты көрме туралы хабарлама
Өткізілген күні: 11.04. – 12.04.2021ж.
Өткізілген орны: кітапхана
Қатысқандар: барлық топ
Мақсаты: оқушыларға ғарыш әлемі жайлы және 12сәуір – ғарышкерлер күні туралы мағлұмат беру. Тұңғыш ғарышкермен және Қазақстан ғарышкерлерімен таныстыру.
2021 жылдың 8 сәуірі күні мектеп – гимназиясының кітапханасында 12 сәуір ғарышкерлер күніне орай «Оқуға құштар мектеп жобасы аясында» «Ғарыш ғаламаты» атты көрме ұйымдастырылды.
Кітапханашы С.Мауленкулова мен М.Кожайбаева оқушыларды көрмемен таныстыру барысында ең бірінші ғарыш әлеміне сипаттау берді. Оқушыларға төмендегі сұрақтар қойылды:
Ғарыш дегеніміз не? Біз қай планетада өмір сүреміз? Қанша аспан денесін білеміз? Қанша планета бар? Олардың берген жауаптарын толықтыра келе ғарышкерлер туралы әңгімеледік. Жерді қоршаған бүкіл дүние Әлем немесе Ғарыш деп аталады. Адамдар ерте кезден бастап Әлем денелерінің құбылыстарын зерттеп білуге тырысқан. Ғарышқа жол 1957 жылы 4 қазанда ашылды. Ал 1961 жылы 12 сәуірде адам баласы тарихында Ю.Гагарин ғарыш кемесімен жер шарын айнала ұшты. 12 сәуір тарихқа «Ғарышкерлер күні» деген атпен енді. Әлемде 200- ден астам мемлекет болса, солардың қатарында өз перзентін ұшырған саусақпен санарлықтай ғана. Әлемде өз ұлтынан үш немесе одан да көп азаматы ғарышқа көтерілген 9 ғана мемлекет бар екен. Міне, солардың қатарында біздің де еліміз бар. Атап айтсақ Тоқтар Әубәкіровке тоқталайық. Тұңғыш ғарышкеріміз «Союз ТМ-13» кемесімен көкке ұшты. Ол ғарышта 7 күн 22 сағат 12 минут болды. Екінші ғарышкеріміз Талғат Мұсабаевқа ғарышқа үш рет ұшу бақыты бұйырыпты. Ол 1994 жылы «Союз ТМ - 19» кемесімен ғарышта 126 күн болды. Ал екінші рет «Союз ТМ-27» кемесімен ұшқанда 208 күн болып ерекше ерлік көрсеткен. Қазақ ғарышкері корабль бортынан ашық ғарыш кеңістігіне бес рет шығып, 30 сағат 8 минут аспан аясында қалықтады. Талғат Мұсабаевтың жалпы ғарышта болған уақыты 341 күн 9 сағат 48 минут. Үшінші ғарышкеріміз Айдын Айымбетов 2015 жылы 2 қыркүйекте 2-бортинженер ретінде транспорттық пилоттанған «Союз ТМА-18М» кемесінде ЭП-18 саяхаты аясында Байқоңыр ғарыш станциясынан Халқ аралық ғарыш станциясына аттанды. Айдын Айымбетов ғарышта 9 күн 20 сағат 13 минут 51 секунд болған. Үш қыранға да ғарыш кеңістігін игеруге сіңірген еңбегі, ғарышқа ұшу кезінде көрсеткен батырлығы мен ерлігі үшін «Халық қаһарманы» атағын берілген. Ал Қызылорда облысында орналасқан «Байқоңыр» ғарыш алаңы зымырандарды ұшыру жөнінде бірінші орынды алады.
Кітапханаға келетін оқырмандарымыз «Ғарыш ғаламаты» ғарышкерлер күніне арналған көрмемен таныстырылды. Әр оқырман өз ойын білдіріп өтті. Ғарыш туралы әңгімелеген 8 «А» сынып оқушылары, 3 «Г» сынып оқушылары сынып жетекшісі Курбанова Зульфиямен бірлесе отырып оқушыларға сұрақ – жауап арқылы көптеген мағлұматтар берілді.
Суретте іс – шарадан көрініс:
