"Отан үшін күрес, Ерге тиген үлес" тақырыбында кездесу

Қазақстан Республикасы Тәуелсіздігінің 30 жылдығын мерекелеу жоспарына сәйкес және келер ұрпаққа Қазақстанды тұғыры мығым, экономикасы қуатты, рухы асқақ мемлекет ретінде табыстау және елдік істерді шашау шығармай лайықты жалғастыратын жасампаз, патриот ұрпақ тәрбиелеу мақсатында №1 жалпы орта білім бретін мектеп-гимназиясында "Отан үшін күрес, Ерге тиген үлес" тақырыбында кездесу өткізілді. Іс-шара барысында подполковник Ыдырышканов Канат Калымканович, сержант Бексултанов Канат Жексембиевич шекара қызметі туралы таныстырылым жасап, шекара қызметін қалыптастырудағы кездесетін қиыншылықтарды жеңе отырып, мемлекетімізді зор абыроймен алдыңғы қатарлы мемлекеттің сапына көтеруде, ерлік пен табандылықты ұран етіп, туған жерімізге заңсыз өтпек ниеттегі шекара бұзушыларға мүмкіндік бермейтін тосқауыл қағидасын ұстанып, халықаралық терроризм, есірткі тасымалдау індеттерін елімізге аяқ басуына кедергі келтіру шараларын жүргізуде - әскери қызметшілерінің әскери рух, патриотизм, Отансүйгіштік сезімді қалыптастырудың ең маңызды көрінісі екенін атап өтті. Мектеп-гимназиямыздың алғашқы әскери дайындық пәні мұғалімі Н.Темірбеков - болашақтағы әскери қызметкер болу үшін мектепте бастау қажеттігін атыс өнер дайындығынан, саптық дайындықтан,
мемлекеттік-құқықтық дайындықтан, қарудан қорғану дайындығынан, дене шынықтыру дайындығынан өту қажеттігін атап өтті. Іс-шара соңында подполковник Ыдырышканов Канат Калымканович мектеп-гимназиямыздың патриоттық кабинетіне "Шекара қызметі" кітаптарын сыйлыққа ұсынды.