«Демаlike» мектеп жанындағы демалыс лагерінің ашылуы

Биылғы 2023-2024 оқу жылы да аяқталып, балалардың көптен асыға күткен кезекті жазғы демалыстары да келіп жетті. Барлық балалардың мақсаттары бір, ол – жазғы демалыстарын көңілді өткізу. Жер жүзінде бүлдіршідерге қуаныш сыйлаудан асқан бақыт жоқ болар. Балалар мен жасөспірімдердің жазғы демалыстарын ұйымдастыру - Асанбай Асқаров атындағы жалпы орта білім беретін мектеп-гимназиясының да назарынан тыс қалмады. «Демаlike» мектеп жанындағы демалыс лагерінің ашылу мерекесі болып өтті. Іс-шара барысында әр түрлі жастағы мектеп білім алушылары, «Қамқоршылық» кеңесінің мүшелері, «Берекелі шаңырақ» ата-аналар қоғамдастығы, Меркі «Жастар» ресурстық орталығы, «Сарымолдаев» ауылдық округы әкімдігінен келген қонақтар жиналып, мерекелік бағдарламаны тамашалады. Мектеп-гимназиямыздың директоры Бексултанова Мадина Болатқызы бүгінгі мерекемен құттықтап, бақытты балалық тіледі, ертегі кейіпкерлері - жүргізушілердің дайындаған әр түрлі қызықты ойындар ойналып, балалар әр бекеттегі тапсырмалар орындап, қояндар, сайқымазақ, қолтырауын, жолбарыс, тышқан, сиқыршы қонаққа келіп, «Демаlike» лагерінің тәрбиешілері шеруі, өлеңдер айтылып, жұмбақтар жасырып, флешмоб биленіп, мерекелік көңіл-күйде болды. Мереке соңында «Сарымолдаев» ауылдық округы әкімдігі мерекемен құттықтап, ерекше безендірілген топтармен танысып, тәтті балмұздақтарды балаларға үлестірумен аяқталды.