2020-2021 оқу жылындағы ҰБТ-ға дайындық барысы туралы анықтама

2020-2021 оқу жылындағы ҰБТ-ға дайындық барысы туралы анықтама

Қаралатын орны:қамқоршылық кеңес

Мерзімі:11.05.2021

        2020-2021  оқу жылында жалпы 38 түлек бітіргелі отыр, оның 25  бітірушісі қазақ сыныбында, 13 бітірушісі орыс сыныбында оқиды.ҰБТ-ны тапсыру төмендегідей тәртіппен өткізіледі:

1. Тестілеуге өтініш беру

- Түлектер Ұлттық бірыңғай тестілеуге (ҰБТ) қатысуға онлайн форматта 2 кезеңде тіркеледі:

1. 15-30 сәуір (1-ші мүмкіндік)

2. 1 мамыр-29 маусым (2-ші мүмкіндік)

- Тегінің, атының және әкесінің атының дұрыс жазылуын тексеру қажет, өйткені бұл мәліметтер сертификатта және білім беру грантының куәлігінде көрсетіледі және жеке басын куәландыратын құжатқа сәйкес келуі тиіс.

2. ҰБТ өткізу тәртібі

          ҰБТ бес пән бойынша өткізіледі: оқу сауаттылығы, математикалық сауаттылық, Қазақстан тарихы және бекітілген мамандықтар тізбесіне сәйкес таңдаған мамандығына байланысты екі бейінді пән.

        Арнайы немесе шығармашылық дайындықты талап ететін мамандықтарды таңдаған түлектер үшін таңдау пәні – ерікті, кейіннен шығармашылық емтихандарды қосымша тапсыру жүргізіледі.

       Тест тапсырмаларының саны: оқу сауаттылығы бойынша – 20, математикалық сауаттылық бойынша – 15, Қазақстан тарихы бойынша – 15, 2 бейіндік пәндер бойынша – 35-тен. Барлығы 120 сұрақ.

        Нәтижесінде 140 балдық жүйе бойынша бағаланады.

3. Тестілеудің мерзімі мен ұзақтығы

       Тестілеу ҰБТӨП-те 25 сәуір мен 30 маусым аралығында өткізіледі.

       ҰБТ басталатын уақыт - 09.00 сағат.

       ҰБТ ұзақтығы - 4 астрономиялық сағат (240 мин.).

        Тестілеу кезінде 60 минуттан кейін 2 минуттық үзіліс,                      120 минуттан кейін 15 минуттық үзіліс және 180 минуттан кейін 3 минуттық үзіліс беріледі.

4. Апелляция

       Тестілеу нәтижесі бойынша апелляция ҰБТ тапсырғаннан кейін              30 минуттан соң қарастырылған.

     Өтініш берушінің өзімен бірге жеке басын куәландыратын құжаттары, ҰБТ-ға рұқсаттамасы болуы тиіс.

     Апелляцияға өтініш берген кезде тестілеу нәтижелерімен келіспеу себебін (себебі мен негіздемесін) көрсету қажет.

5. Сертификат

      ҰБТ тапсырған түлектерге: ҰБТ нәтижелері туралы сертификат сертификаттың қолданылу мерзімі ағымдағы жылдың 31 желтоқсанына дейін беріледі.

    Сертификатты ламинаттауға тыйым салынады. Ламинатталған сертификаттар айырбастауға жатады.

     Тестілеуден өту үшін түлек ҰБТӨП-ке рұқсаттамада көрсетілген күні өзімен бірге: ҰБТ-ға рұқсаттама; жеке басын куәландыратын құжаты; ҰБТ кезінде түлектерге тыйым салынады:

* сөйлесуге;

* орнынан тұруға;

* орынын ауыстыруға;

* кез келген материалдармен және заттармен алмасуға;

* аудиторияға калькуляторларды, фотоаппараттарды, ұялы байланыс құралдарын (пейджерлер, ұялы телефондар, планшеттер және т. б.), радио-электрондық байланыс түрлерін, ноутбуктерді, плейерлерді, модемдерді, смарт сағаттарды, құлаққаптарды, шпаргалкаларды және анықтамалық материалдарды енгізу және пайдалануға;

     Аталған материалдар мен құралдарды аудиторияда да, тестілеу кезеңінде барлық ҰБТӨП-те де пайдалануға тыйым салынады.

     Тестілеу кезінде бұзушылықтардың алдын алу және тестіленушілердің өздерін қорғау мақсатында, тестілеуге жіберу кезінде металл іздегіштер, ал тестілеу жүргізу барысында ұялы телефондардың сигналдарын басатын құрылғылар (сөндіргіштер) және бейнебақылау құрылғылары қолданылатын болады.

   Бітіруші аудиторияда тәртіп ережелерін бұзған және тыйым салынған заттарды пайдаланған жағдайда, ол ҰБТ тапсырудың 2-ші мүмкіндігі құқығынан айырылады.

             Білім алушыларға қолдау көрсету мақсатында  ҰБТ тапсыратын пәндерден қосымша сабақтар ұйымдастырылып, алған білімін бақылау үшін әкімшілік тест алынды. Тест нәтижесі бойынша түзету жұмыстары жүргізіліп отырды.

        Білім алушылардың наурыз айындағы  тапсырған тест жұмыстарының қорытындысы төмендегідей нәтиже көрсетті:

Қорыта келе, әлі де болса білім алушылардың дайындығына пән мұғалімдері тарапынан қолдау көрсетіледі, дайындық өз жалғасын табады.

Ұсыныс:

1.Тараз қаласына тест тапсыру кезінде оқушының өмір қауіпсіздігі ата-ана жауапкершілігіне алынып, қолхат алынсын.

2.Дайындық барысы одан әрі   күшейтілсін.