«Мектепке тағзым» жобасының іске асырылуы бойынша ақпарат (ақпан)

Домбыра - қазақтың қаны мен жанын қозғаушы құдіретті аспап. Тыңдаған құлақтың құрышын қандырып, көңілдерге ерекше сезім бүршігін сыйлайтын домбыра үнінде құдірет бар. Тілмен жеткізе алмағанды үнмен жеткізген қасиетті домбыраны қастерлеп, атадан-балаға мирас етіп қалдыру мақсатында және Елбасының «Болашаққа бағдар: рухани жаңғыру» бағдарламалық мақаласы аясында №1 жалпы білім беретін мектебінде  ақпан айында  «Мектепке тағзым» акциясы өткізілді.
 Акцияға мектептің 2000 жылы бітіруші түлектер жəне ата-аналары белсене қатысты. Мектеп директоры А.Алтынбаева бүгінгі акцияның маңыздылығына тоқталып өтті. Ал акцияға шақырылған қонақтар бүгінгі іс-шараның келер ұрпаққа үлгі болатынын айтып өтіп, 20 домбыраны ризашылықпен оқушыларға тарту етті.
 Бүгінгі ұрпақты халқымыздың бай мұрасымен таныстыруда, ұлттық салт-дәстүрімізді жандандыруда осындай нақты іс-шаралар тиімді болары сөзсіз