2017-2018 оқу жылында «Болашаққа бағдар :рухани жаңғыру» мақаласы аясында өткізілген іс-шаралар есебі ДТІЖО А.Айтбаева
Қазақстан Республикасының Президенті Н.Ә.Назарбаевтың «Болашаққа бағдар:рухани жаңғыру» мақаласын ілгерілету және түсіндіру, насихаттау мақсатында мектеп алаңына билборд, мектеп дәлізінде арнайы стенд жасалып, ілінді.
Кітапханада бұрыштар ұйымдастырылды Мектеп ұжымымен жиналыс өткізілді. «Туған өлкеңді танып біл!» тақырыбымен кітаптар көрмесі жасалып оқушылар аудандық мұражайға барып, туған өлкенің тарихымен танысты. Кітап-заманымыздың өмірі» атты кітапханаларға ерікті түрде кітап өткізу және «Ғажайып кітап әлемі» көрмесі ұйымдастырылды.Мектеп кітапханасына әркім кітап қорына әдеби кітаптар әкеліп өткізді.
«Отбасы- бақыт мекені» тақырыбында «Отбасы-рухани жаңғыру негізі» ұранымен отбасы күніне арналған апталық өткізілді.
«Тарихтан тағлым – өткенге тағзым» тақырыбында оқушылармен тарихи ескерткіштер және мәдени орындарға экскурсия ұйымдастырылды.
Елбасының "Болашаққа бағдар: рухани жаңғыру" атты бағдарламасын іске асыру барысында №1 орта мектебінің 9 «А» сныбының оқушысы Қуанышқышы Жібек, 8 «А» сыныбының оқушысы Асқарбай Шолпан Тараз қаласының киелі тарихи кешендеріне саяхат жасады. Жоба аясында оқушылар кейінгі ұрпаққа мұра етіп қалдыратын тарихи және мәдени ескерткіштерді аралап, құнды экспонаттармен танысты.Осы тақырып бойынша оқушылар жоба дайындауда.
«Тарихтан тағылым-өткенге тағзым» тарихи және мәдени орындарға экскурсия болып өтті.
Оқушыларды Ұлттық мұражайдың қызметкері мұражайдағы құнды экспонаттармен таныстырды. Оқушылар тарихи орынға бас сұғып, бай мұраға толы мұражай залдарын аралағандарына дән риза болды.Сондай-ақ, Меркі жеріндегі тарихи ескерткіштерге де саяхат жасап, тарихымен танысты. Экскурсия соңында оқушылар мәдени ошақтан алған әсерлерімен бөлісті. Бір уақыт тарихи-мәдени орындарға әкеліп, рух алып, мектептегі сабақпен сабақтастырған ұстаздарына ризашылықтарын білдірді.
«Туған жерім – аялы алтын бесігім» бүктемелер байқауы болып өтті.
Байқауда оқушылар кіндік қаны тамған жеріне, өскен ауылына, қала мен өңіріне, яғни туған жеріне деген сүйіспеншіліктен басталатындығын басты назарға алғандығын көрсетті. Адам баласы – шексіз зерденің ғана емес, ғажайып сезімнің иесі. Туған жер – әркімнің шыр етіп жерге түскен, бауырында еңбектеп, қаз басқан қасиетті мекені, талай жанның өмір-бақи тұратын өлкесі. Оны қайда жүрсе де жүрегінің түбінде әлдилеп өтпейтін жан баласы болмайды. Міне, осы жолдарды ту еткен байқауға қатысушылар өз туған жерін, аялы алтын бесігін, қасиетті мекенін қылқаламмен шебер суреттей білді. Нәтижесінде 8 «А» cынып оқушылары Бас жүлдеге ие болып, аудандық байқауға жолдама алды.
«Болашаққа бағдар:рухани жаңғыру» мақаласы атты дөңгелек үстел болып өтті. Тарих пәні мұғалімдері О.Какиева мен Ғ.Сабыралиев Қазақстан Республикасының Президенті Н.Ә.Назарбаевтың «Болашаққа бағдар:рухани жаңғыру» мақаласындағы негізгі бағыттармен, «Туған жер» бағдарламасы, таяу жылдардағы міндеттері туралы жарыссөз жасады.
Алдағы жылдарда мықтап қолға алуға қажет болатын жобалардың бірі - қазақ тілін біртіндеп латын әліпбиіне көшіру жұмыстарын бастау екендігін ашып айтты.Елбасы мақаласында айтылғандай, туған жеріне көмек жасағысы келетін жандарға қолдау көрсету арқылы қалаларды көгалдандыруға, мектептерді компьютерлендіруге,музейлер мен галлереялар қорын байыта түсуге болатындығы жайлы айтып өтті.
«Рухани жаңғыру» бағдарламасының «Тәрбие және білім» кіші бағдарламасы аясында қазақтың әдет-ғұрыптарын және ұлттық құндылықтарын насихаттау мақсатында 2018 жылдың 16 наурызында «Дені сау ұрпақ-тәуелсіз елдің болашағы» атты 3 сыныптар арасында спорттық эстафета өткізілді.
«Рухани жаңғыру» бағдарламасының «Тәрбие және білім» кіші бағдарламасы аясында оқушылардың өлке тарихына қызығушылықтарын, білімдерін арттыру, патриоттық сезімге тәрбиелеу, олардың интеллектуалдық біліктілігін жетілдіру мақсатында 23 ақпан күні 6 сыныптар арасында «Менің Отаным» атты интеллектуалды ойын өткізілді. Сайыс командалық І топ Жас Қыран 6 «а» сыныбы ІІ топ Бәйтерек 6 «Б» сыныбы топтан құрылып, «Кім тапқыр?» бөлімінде әр топқа 10 сұрақтан қойылды,1ұпайдан бағаланды, ІІІ бөлімде «Жұмбақ жылдар» бөлімінде тарихи оқиғаларға байланысты жылдар көрсетіліп, қандай оқиға болғандығы туралы айтылу керек болды. ІV бөлімде «Жұмбақ оқиғалар» бөлімінде оқиға мәтіні оқылып, топ мүшелері анықтап,қандай оқиға туралы айтылғандығын тауып, анықтауы тиіс.V бөлімде «Жұмбақ кейіпкерлер» бөлімінде қазақ халқының кейіпкерлерін тапқан болса,VІ бөлім « Кім жылдам?» кезеңінде сұрақтарға қай топ жылдам жауап берсе, сол топ жоғары ұпайға ие болды. Екі топ та белсенділігін, білімділігін барынша көрсетуге тырысып бақты. Нәтижесінде І топ Жас Қыран 6 «а» сыныбы жеңіске жетті.
Қазақстан мен Қырғызстан Республикасының Халық әртісі, Мемлекеттік сыйлықтың лауреаты, киелі Меркі жерінің тумасы, бүгінде 70 жасқа толып отырған Алтынбек Қоразбаевтың мерейтойына байланысты, мектеп оқушылары арасында шығармаларынан ән орындайтын, «Шырқа дауысым» атты байқау болып өтті. Қазақ ән өнерінің көш-керуенін өзіндік сән-салтанатпен нұрландырып, сырлы сезіммен байытып келе жатқан санаулы саңлақтарымыздың бірі – Алтынбек Қоразбаевтың болмысын мыңдардың ішінен жазбай тануға болады.Ағамыздың шығармашылығының лейтмотиві- туып-өскен ел мен жерге деген қалтқысыз махаббаты.Кез келген әннің алтын арқауы елдің киесі, жердің қасиеті, салт-дәстүрдің салтанаты болып келетіні де содан. Бүгінгі байқауға 7-13 жас аралығында мектеп оқушылары қатысты. Сахнада Алтынбек Қоразбаевтың шығармашылығына арналған слайд көрсетіліп тұрды. Әр қатысушының музыкалық жетекшілері жеребе алып, сахнаға шығу реттілігі анықталды.Барлығы 9 оқушы қатысты.
№1 жалпы білім беретін мектепте «Рухани жаңғыру» бағдарламасының «Тәрбие және білім» кіші бағдарламасы аясында қазақтың әдет-ғұрыптарын және ұлттық құндылықтарын насихаттау мақсатында 2018 жылдың 13 наурызында «Дәстүрім салтым-қазақы қалпым» атты байқау өткізілді.
Қазақстан Республикасының елордасы - Астана қаласының 20 жылдығын мерекелеу қарсаңында №1 жалпы білім беретін мектепте 8 ақпан күні «Ән-жырым, саған арналады –Астана!» атты концерттік бағдарлама болып өтті.
