«ҚМЖ құруда оқытудың мақсаттарын қоя білу жолдары»
30.10.2025 күні Асанбай Асқаров атындағы жалпы орта білім беретін тірек мектеп гимназиясының орыс тілі мен әдебиеті пән мұғалімі Таштемирова Севда Фирудиновнаның ұйымдастыруымен жас мамандарға арналған «ҚМЖ құруда оқытудың мақсаттарын қоя білу жолдары» атты коучинг өткізілді.
Коучингтың мақсаты: жас мамандарға ҚМЖ құруда оқытудың мақсаттарын қоя білу жолдарын үйрету.
Жас мамандардың кәсіби құзыреттілігін дамыту, жаңа педагогикалық технологияларды меңгеруіне қолдау көрсету, шығармашылық әлеуетін арттыру мақсатында жас мамандарға методикалық көмек көрсетілді.
№130 бұйрықты басшылыққа ала отырып, ҚМЖ құрудың ережелері түсіндірілді. Оқу мақсатына негізделген сабақтың мақсатын құруда тиімді жолдары көрсетілді. Шынайы білім сапасына қол жеткізу нысандарын түсіну, білімді жеке тұлғаға бағыттап, жаңаша білім беру жолдары түсіндірілді.
«Педагогикалық этика ережелері» таныстырылымы өткізілді. Педагогтік әдеп мәнін, қиыншылықтардан ұтымды шығу жолдарын ұғынуға көмектесу жолдары үйретілді.
Жас мамандарға бекітілген тәлімгерлер: М.Бекжанова, Г.Кельгенбаева, Ж.Сахованың жинақ папкалары тексерілді. Тәлімгерлер тарапынан жас мамандарға үнемі әдістемелік қолдау көрсетіліп отырды.
