"Asyk party" ойындары

Халқымыздың тарихи-мәдени мұраларының түрлері сан алуан. Қай-қайсысы да адамға, соның игілігіне қызмет етуге бағытталған. Осындай аса құнды мәдени игіліктердің бірі – қазақтың ұлттық асық ойындары. Бүгін де ойынды халық педагогикасының құрамды бір бөлігі деп тегін айтпаса керек. Адам баласы жасаған жеті кереметтің қатарына сегізінші етіп ойынның аталып жүруі де жайдан-жай емес. қазақтың ұлттық асық ойындары атадан балаға, үлкеннен кішіге мұра болып жалғасып мәдени, спорттық өнер тіршілігінің жиынтық бейнесі. Әрине, ойын өнер ретінде әдебиет пен мәдениеттің сан алуан түрлерімен қабысып, астасып келіп, бірін-бірі толықтырып, байыта түседі. "Дәстүр мен ғұрып" жобасы аясында тәрбие жоспарының ұлттық бағытына сәйкес, балалардың бойында қазақ халқының тарихи мәдени мұрасына құрмет сезімін қалыптастыру, сондай-ақ ептілікке, мергендікке, ұқыптылыққа, сергектікке баулу, қазақтың ұлттық ойындарын білуге құштарлығын арттыру мақсатында "Asyk party" ойындары өткізілді. «Бес табан», «Алшы» атты әр ойын түріне екі кезеңдегі жеңімпаздар ұпай саны бойынша анықталып, дипломдармен марапатталды.