31 мамыр - "Саяси қуғын - сүргін құрбандарын" еске алу күні

1997 жылы ҚР Президентінің Жарлығы шығып, 31 мамыр - "Саяси қуғын - сүргін құрбандарын" еске алу күні болып жарияланды. Қазақстандағы тұнғыш репрессия 1928 жылдан басталды. 1930 жылдары Кеңес Одағының құрамында болған Қазақстанда 103 мың адам қуғын - сүргінге ұшырап және 25 мың адам ату жазасына кесілді. Барлық қазақстандық ғылым, мәдениет және саясат саласының өкілдері түрмеге қамалып, ату жазасына кесілді. Бүкіл қазақ халқының зиялы қауымын жойды. Жалпы 1930 - 1953 жылдары аралығында 40 миллионнан астам кеңес азаматтары репрессияға ұшырады. Әсіресе бұл заңсыз жазалауға Кеңес Одағы құрамында болған барлық халықтар мен ұлттардың бетке ұстар интелегенция өкілдері жойылды. Осы кезеңде қазақтардың 40 пайызы қаза тапқан. Ал Қазақстан аумағында орналасқан лагерлерге корейлер, поляктар, Еділ немістері, Қырым татарлары, Кавказ халықтары және басқа да ұлт өкілдері қоныс аударды.