Ыбырай Алтынсарин 180 жыл толуына орай «Кел, балалар, кітап оқимыз!» атты «Таза бұлақ» әңгімесін дауыстап оқу сағаты туралы хабарлама

Жамбыл облысы Меркі ауданы әкімдігінің білім бөлімінің

«№1 жалпы орта білім беретін мектеп-гимназиясы» КММ

Өткізілген күні: 22.10.2021 ж.

Өткізілген орны: кітапхана

Қатысқандар: 3 - 4 сыныптар

Мақсаты: балалар мен жасөспірімдерді кітап оқуға тарту, кітап оқуды насихаттау.

«Оқуға құштар мектеп» жобасын іске асыру мақсатында Ы.Алтынсариннің 180 жылдығына орай «Кел, балалар, кітап оқимыз» атты 3 – 4 сынып оқушылары үшін «Таза бұлақ» әңгімесіне онлайн дауыстап оқу сағатын мектеп кітапханашысы С.Мауленкулова ұйымдастырды. «Таза бұлақ» әңгімесін дауыстап оқып, талдау жасадық. Оқушылар «Табиғат», «Бұлақ», «Жолаушы» болып 3 топқа бөлініп, І топ саудагердің, ІІ топ жолаушы мүсәпір молданың, ал ІІІ топ көркем келген жас жігіттің тасқа жазылған «- Әй, жолаушы, болсаң, осы бұлақтай бол», - деп жазылған ақыл сөзді постер арқылы қорғады.

Саудагер:

-Бұл жазылған ақыл сөз екен, бұлақ күн-түн тынбай ағып, алыс жерлерге барады, бара – бара кеңейіп, үлкейеді, бұған бөтен бұлақтар құйып, сөйте бара үлкен өзен болып кетеді. Мұнан мұрат сол: сен де зорайып мұратыңа жетесің дегені ме деп білемін, - деді.

Мүсәпір молда:

-Жоқ мен олай ойламаймын, бұл жазудың мағынасы сіздің ойлағаннан гөрі жоғарырақ соқса керек, бұл бұлақ: кім – кімге болса да даяр, ыстықтағанды салқындатып, жанын рахаттандырады, сусағанның сусынын қандырады, оның үшін ешкімнен ақы дәметпейді; бұлай болса адамға да әбірет сол: біреуге жақсылық етсең, ол жақсылығыңды ешкімге міндет етпе дегені болса керек, - деді.

Жігіт айтты:

-Менің ойыма бөтен бір нәрсе келеді: бұл бұлақтың суы бір орында тынып тұрып, шөп- шалам түсіп, лай – қоқым болса, бұған адам мен айуан мұнша ынтық болмас еді; бұлақ күні – түні тынбай ағып тазаланып тұрғаны үшін ынтық болады. Олай болса, жазудың мағынасы: көңіліңді, бойыңды осы бұлақтай таза сақта, нешік бұлаққа қарасақ күн түссе күннің, шөп түссе шөптің сәулесін көреміз, көңілің сол реуішті сыртқа ашық көрініп тұрсын дегені ме деймін, - деді.

Суретте іс – шарадан