Біздің данагөй бабаларымыз: «Жауынменен жер көгерер, батаменен ел көгерер», - деп айтып кеткен. Бата беру - адал ниет, жақсы тілек білдірудің ұлттық дәстүрі. Халық ақ батадан рухани қуат алады, ол жақсылыққа жол ашады деп сенеді. Сондықтан да ежелден-ақ қадірлі қариялардан, атақты батыр, билерден, шашасына шаң жұқпайтын шешендер мен арқалы ақындардан бата алуға құштар болған.
Бата – қазақтың ертеден келе жатқан ұлттық дәстүрлерінің бірі. Асанбай Асқаров атындағы жалпы орта білім беретін мектеп-гимназиясында білім алушыларды бата беру рәсімімен таныстыру мақсатында "Б
ата" тақырыбында 5-6 сынып оқушылары арасында бата беру жарысы ұйымдастырылды. Онда сүндет той батасы, тұсаукесер батасы, шілдехана батасы, отан қорғауға шығарып салу батасы, жас жұбайлар батасы, хатым батасы, неке батасы т.б. бата түрлерінен бата беріп жарысты.