«Алаштың айбыны - Бауыржан Момышұлы» атты танымдық кітапханалық сағаты өткізілді

Ағымдағы жылдың  24-желтоқсаны күні қазақ тілі мен әдебиеті пәнінің мұғалімі Ержан Оразбаев пен мектеп кітапханашыларымен бірлесе  Кеңес Одағының батыры, гвардия подполковнигі, XX ғасырдың ең жарқын тұлғасы, белгілі жазушы, ұлы Отан соғысының даңқты жауынгері, халық қаһарманы, қазақтың батыр ұлы Бауыржан Момышұлының туғанына 114 жыл толуына орай «Алаштың айбыны - Бауыржан Момышұлы» атты танымдық кітапханалық сағаты өткізілді. Танымдық сағат барысында «Тұлғасы тұнған тәлім, есімі елге мәлім Бауыржан Момышұлы» атты кітап көрмесі таныстырылып, батыр атамыз жайында қызықты деректерден бейнефильм көрсетілді. Мұнда оқушылар батырдың балалық шағы, отбасы туралы, Ұлы Отан соғысы кезіндегі ерліктері туралы мағлұмат алды. Бүгінгі ерлік пен өрліктің, ұранды да қыранды елдің айбатына айдар, қайратына қанат болған біртуар ұлы –Бауыржан Момышұлы.
  Нар тұлғалы Бауыржанның қайсар істерін өзіне үлгі тұтатын жандарға батырдың шығармаарымен танысу пайдалы болмақ. Ғасырдың жүгін арқалаған азаматтың қайсар келбеті ерліктің шамшырағындай шуағын шашып, жүрегіміздің дүрсілінде, көңіліміздің лүпілінде, санамыздың төрінде, шабытымыздың көлінде, айбынымыздың асқарында, сөзіміздің астарында, ерліктің дастаныңда мәңгілік тартылыс күшіндей сезіліп тұрары хақ