«Ата-ананың сенімі – баланың өз-өзіне деген сенімінің бастауы»
2026 жылдың 3 наурыз күні ата-аналарға балаға деген сенімнің маңызын түсіндіру, өзара қолдау көрсету дағдыларын қалыптастыру, отбасындағы сенімді қарым-қатынасты нығайту мақсатында «Ата-ананың сенімі – баланың өз-өзіне деген сенімінің бастауы» тақырыбында ата-аналармен жұмыс жүргізілді. Психологиялық ахуал қалыптастыру мақсатында «Жылы лебіз» жаттығуы жүргізіліп, ата-аналар бір-біріне жылы сөз айтып, баласына айтатын қолдау сөздерін ортаға салады. Сұрақтар: Балаңызға сенетініңізді қалай білдіресіз? Бала сенімді қайдан алады? Тақтаға «СЕНІМ» сөзі жазылып, ата-аналар ассоциация айтады. Рөлдік ойын . Жағдаят: Бала бақылаудан төмен баға алып келді. Ата-аналар екі түрлі реакция көрсетеді: Қолдаушы ата-ана, Сыншыл ата-ана. Қайсысы тиімді екені талқыланады. Рефлексия «Жүректен жүрекке» Ата-аналар стикерге бүгінгі сабақтан алған бір ойды жазады. Ата-аналарға арналған кеңестер жазылған жадынамалар таратылды: Баланы басқамен салыстырмаңыз; Қателігі үшін емес, талпынысы үшін мақтаңыз; Күн сайын 5 минут «сапалы уақыт» бөліңіз; «Мен саған сенемін» деген сөзді жиі айтыңыз.
Қорытындылай келе: Баланың болашағына берілетін ең үлкен сый – сенім. Бала өзіне сенімді болып өсуі үшін ең алдымен ата-анасы оған сенуі керек.