"Жүрек жылуы" тренинг ата-аналармен

Асанбай Асқаров атындағы орта білім беретін мектеп – гимназиясы ресурстық орталығында білім алушылардың психологиялық жағдайын нығайтуға бағытталған көктемгі айлық барысында «Жүрек жылуы» тақырыбында ата-аналармен өткізілген тренингтің  хаттамасы

Мақсаты: Ата-аналарға бала тәрбиесіндегі эмоционалдық байланыстың маңызын түсіндіру, жылы қарым-қатынас орнату жолдарын үйрету, өзара сенімділік пен махаббат атмосферасын қалыптастыру.

2025 жылдың 17 сәуір күні білім алушылардың психологиялық жағдайын нығайтуға бағытталған көктемгі айлық барысында   ата-аналарға бала тәрбиесіндегі эмоционалдық байланыстың маңызын түсіндіру, жылы қарым-қатынас орнату жолдарын үйрету, өзара сенімділік пен махаббат атмосферасын қалыптастыру мақсатында «Жүрек жылуы» тақырыбында тренинг жүргізілді. Жұмыс барысында: Танысу: әр ата-ана өзін таныстырып, «Ата-ана деген мен үшін…» сөйлемін аяқтайды. Тренинг мақсаты мен құрылымын таныстыру. Тақырыптық жылы шеңбер: «Жүрек жылуын кімнен сездіңіз?» Миға шабуыл – «Бала не күтеді?». Сұрақ: Бала ата-анасынан не күтеді? Қатысушылар постерге не күтетінін жазып, тақтаға іледі. «Менің балам – менің айнам» жаттығуы. Ата-ана баласының мінезіндегі өзінен көретін ұқсастықтарды жазады.