Наурыз айы- жылдың басы "Әз-Наурыз " мейрамы келіп жетуімен қымбатты.

Наурыз айы- жылдың басы "Әз-Наурыз " мейрамы келіп жетуімен қымбатты. Осы ұлық мерекені А. Асқаров атындағы жалпы орта білім беретін тірек мектеп- гимназиясының ұжымы ұлыс күні - татулық тойын, көңіл мерекесін жоғары деңгейде атап өтті. Жақсы тілектер тіленіп, қазақтың салт- дәстүрлерінен көріністер көрсетіліп, көңілдер жаңарған күн болды. Ұлттық ойындар ойналып, ән шырқалып, қыз жігіттер алтыбақан аясында тербелді.   Қосымша білім беру педагогтарының  ұйымдастыруымен сахналық көрініс  " Бет ашар" дәстүрі көрермен көзайымына айналып, ықыласына бөленді. Ардагер ұстаздардың ақ баталары берілді. Сахналық безендірулер ұлттық нақышта қонақтарға жайлылық сыйлады.







Тәуелсіздігіміздің арқасында қайта жаңғырған, дәстүрімізді дәріптеп, асыл мұраларымыздың бедерін айшықтауда орны ерекше бұл мереке жақсылықтың бастауы бола бергей деп тілейміз!