"Мұқағали - мәңгілік ғұмыр" атты поэзиялық кеш

9 ақпан күні ақиық ақын Мұқағали Мақатаевтың туған күніне орай және білім алушыларға ақынның шығармаларының халыққа кең таралуының себебі және оның өміршеңдігінің сыры неде екенін түсіндіру, ғасыр ақыны Мұқағалидың өлеңдерінің жыр қазына екенін ұғындыра отырып, оқушыларды өлеңді мәнерлеп, нақышына келтіріп оқуға дағдыландыру мақсатында "Мұқағали - мәңгілік ғұмыр" атты поэзиялық кеш өткізілді. Әр өлеңі арқылы жүректерге жол таба білген сыршыл дарынның өлеңдері өміршең! Поэзиялық кеш "Шеше, сен бақыттысың!" көрінісімен басталып, әр шығармасы сырлы сезімге толы жыр жүйрігінің өлеңдері мен поэмаларын жатқа бастауыш сынып білім алушылары мен жоғарғы сынып білім алушылары мәнерлеп оқып, шығармашылық кештің шырайын ашты. "Есіңе мені алғайсың", "Бақыт деген" әндері орындалып, ақын өмірбаянынан сұрақ-жауап қойылды. Кештің соңғы бөлімінде "Мұқағали әндері" айдарымен жиналған көрермен және қатысушылар "Күрең күз", "Есіңе мені алғайсың", "Сенің көзің" әндерінің караоке әндері орындалып әуен құшағында тербелді. Тәлімді поэзиялық кеш ұстаздар мен білім алушыларға жақсы көңіл-күй, әсерлі сезім сыйлады...