«Есімде Ауған соғысы»

2019 жылдың 13 ақпанында №1 жалпы білім беретін мектепте әртүрлі іс-шара ұйымдастырылды. Оқушылардың бойына патриоттық сезімдерін қалыптастыру, қоғамның тарихи естелігін сақтап толықтыру, еліне, оның тағдырына жауапкершілікпен қарау, қауіпсіздігін сақтау, болашағын ойлауға, жер шарының саяси картасында от шарпыған бауырлас елде тыныштық орнату үшін интернационалдық көмек берген, ата-бабамыздың жауынгерлік дәстүрін жалғастырып, өздерінің борыштарын адал атқарып, қанды шайқастарға қатысқан, интернационалист-жауынгерлер берген тапсырмаларды әскери анттарына сай орындаған, Ауған соғысы жауынгерлерін және соғыс тарихын білу, өз Отанына деген адалдыққа үйрету, әскери-патриоттық тәрбие беру мақсатында түрлі іс-шаралар атты тәрбие сағаттары өткізілді. «Есімде Ауған соғысы» Ауғанстандағы соғыс ардагерлерімен кездесу өткізілді. Кездесуге Меркі аудандық ауған соғысы ардагерлер кеңесінің төрағасы – Байдаулетов Муратбек Ашимович және ардагерлер келді. Әскери анттарын ақырына дейін адалдықпен атқарып және сол жылда нағыз ерлерше қаза тапқан боздақтарды еске алып, 1 минут үнсіздік жарияланды. Интернационалист жауынгер М.Байдаулетовке оқушылар өз көкейінде жүрген сұрақтарын қойып, Ауған соғысы жайлы білетіндерін ортаға салды. Кезінде қатерге бел буып, батырлық пен қайсарлықтың үлгісін көрсетіп, қаһармандық танытқан, өздерінің Отан алдындағы парызына адал болған жерлестерімізді мәңгі есте сақтау борышы екенін түсінді.
Кездесу соңы концерттік бағдарламаға ұласты.