«Мәңгі өшпес ерлігің!»

2019 жылдың 16 ақпан күні Кеңес әскерлерін Ауғанстан Демократиялық Республикасы жерінен шығарылғанына 30 жыл толуына орай мектебіміздің түлегі, қызметтік жауынгерлік тапсырманы орындау барысында марқұм болған бауырымыз сержант Мақсат Жұмабайұлы Қонақбайдың атынан мемориалды тақта және патриоттық сыныптың ашылу салтанатты іс-шарасы болып өтті. Алғашқы құттықтау сөз Меркі ауданы әкімінің орынбасары – Қасым Марат Жарылқасынұлы,№1 жалпы білім беретін мектеп директоры – Алтынбаева Айгерім Аханқызы, ауыр аманат арқалап, өмір мен өлім белдескен, батылдық пен ерліктің ерен үлгісін көрсеткен Мақсаттың ата-анасына – сөз берілді.
Мектептің көркемдік жетекшісі Ж.Абенова ұйымдастырған балалар хоры «Қазақстан» әнін орындаса, «Керім-ай» бишілер тобы «Қазақ» биін билесе, Кеңес әскерлерін Ауғанстан Демократиялық Республикасы жерінен шығарылғанына 30 жыл толуына орай, бөлім командирі подполковник Айдын Болатұлы Баймухамбетов мектеп директоры А.Алтынбаева, тәрбие ісі жөніндегі орынбасары А.Айтбаева, АӘД жетекшісі Н.Темірбековты «Құрмет Грамотасымен» марапаттады. Мемориалды тақтаны ашу құрметіне Меркі ауданы әкімінің орынбасары – Қасым Марат Жарылқасынұлы және Мақсат Қонақбайдың әкесі ие болды. Патриоттық сыныпта мектеп президенті Аталық Әділбек және 9 сынып оқушысы Казбекова Елдана Мақсат Қонақбайдың өмірбаяны мен ерлігі туралы таныстырып өтті.