«Жас Ұлан» сайлауы

№1 жалпы білім беретін мектебінде «Жас Ұлан» бірыңғай балалар мен жасөспірімдер ұйымының «Ұланбасы» сайлауы өтті. «Ұланбасы» - «Жас Ұлан» көшбасшысы, оқушылардың өзін-өзі басқару органының жетекшісі болып есептеледі, мектеп оқушыларының қоғамдық қызметін басқарады, оқушылар мен мектеп әкімшілігінің өзара қатынастарын жүзеге асырады, мектеп қызметін жақсарту мақсатында өзінің және оқушылардың атынан ұсыныстар енгізеді, оқушылар мен ұстаздар арасында туындаған мәселелерді шешуге атсалысады, түрлі әлеуметтік жобалар мен шараларды ұйымдастырады. Мектептердегі «Ұланбасы» сайлауы жасырын дауыс беру арқылы жалпыға ортақ, бірдей және тікелей сайлау құқығын негізге ала отырып өткізілді. «Ұланбасы» сайлауына 4 үміткер түсті. Үміткерлер 8 – 10-сынып оқушылары: Валихан Жұлдыз, Тохтарбаев Асхат, Валихан Құндыз, Алпан Жазира. Сайлауалды ақпараттық насихат жұмысы келесі бағыттарда іске асырылды:
•көпшілікке арналған сайлауалды шаралар өткізу арқылы (сайлауалды жиналыстар, көпшілік алдында сайлауалды пікірталастар ұйымдастыру);•
• ақпараттық материалдар басып шығару және тарату арқылы.
•үміткерлер өзінің болашақ әрекеті туралы сайлауалды бағдарламаларымен таныстырды.
Сайлауға 1 – 11-сынып оқушылары және мектеп ұстаздары дауыс берді. Дауыстарды есептеу нәтижесі сайлау комиссиясымен тексеріліп, сайлау комиссиясының төрағасы мен мүшелері қол қоятын хаттамаға тіркеледі. Ең көп дауыс жинаған үміткер Валихан Жұлдыз «Ұланбасы» болып сайланып, оқушылардың және ұстаздардың алдында салтанатты түрде ант берді.