«ДІН МЕН САЛТ - ДӘСТҮР САБАҚТАСТЫҒЫ»
"Біртұтас тәрбие бағдарламасы" аясында жастар арасында толерантты мінез-құлықты қалыптастыру, мәдениет пен дінді құрметтеу, қазақстандық қоғамның полиэтникалық құрамының қалыптасу тарихы, қазіргі Қазақстанның дамуындағы дін саласындағы саясаты, діни экстремизм мен терроризмнің қатерін түсіндіру, кішіге ізет, үлкенге құрмет, еліміздің тарихын құрметтеу құндылықтарын дәріптеу мақсатында «ДІН МЕН САЛТ - ДӘСТҮР САБАҚТАСТЫҒЫ» тақырыбында кездесу өткізілді. Кездесу барысында Меркі ауданы әкімдігінің ішкі саясат бөлімінің «Жастар ресурстық орталығы» КММ-нің жастар ісі жөніндегі инспектор теологі Б.Пирназаров, Сарымолдаев ауылдық округы әкімінің орынбасары А.Қапалбеков, дін-ақпараттық насихаттау тобының мүшесі Б.Құралбаев білім алушыларға дін саласындағы заңдылықтарды түсіндіріп, деструктивті діни ағымдар, олардың қоғамға кері әсері туралы, дін мен дәстүрдің сабақтастығы, отанымызды жақсы көру ең алдымен табиғатымызды ластамаудан және өз тілімізді құрметттеуден тұратындығы, мемлекетіміздің әрбір азаматы мен азаматшасының міндеті еліне, туған жеріне қызмет ету және азаматтық борышы екендігі туралы түсіндірме жұмыстары жүргізілді
