Қалқаман Саринмен кезекті адалдық сағаты

№1 жалпы білім беретін мектеп-гимназиясында тәрбие жоспарына сәйкес, білім алушылар арасында парасаттылық қағидаттарын ілгерілету мақсатында ҚР Жазушылар одағының мүшесі, халықаралық «Шабыт» фестивалінің және ҚР Үкіметінің «Дарын» мемлекеттік жастар сыйлығының лауреаты, «Алтын қалам» әдеби сыйлығының жеңімпазы - Қалқаман Саринмен кезекті адалдық сағаты өткізілді. Қалқаман Сарин өз сөзінде ұлы Абайдың тағылымын алға тартып, «Менің өмірдегі басты ұстанымым – «Еңбек етсең ерінбей, тояды қарның тіленбей», – деді. Сондай-ақ, жастарды табанды еңбек етуге, тұлғалық дамуға және патриот болуға шақырды. Оның пікірінше, патриот болу үшін ең бірінші әр азамат өзінің тарихын оқуы керек, сонда ғана елін, жерін, бабаларын мақтан тұтады. Ол өзінің жеке өмірі мен мансабында жетістікке жетуге мүмкіндік берген әділеттілік пен адалдық сияқты өмірлік құндылықтарымен бөлісті. Білім алушылар парасатты ұрпақ болу үшін адалдық пен мейірім, елжандылық пен білімділік адамзаттың бойында болуға тиісті негізгі қасиеттер екенін түсінді.