«Эковолонтер» байқауы

Еліміздегі аса өзекті проблемалардың қатарына қоршаған ортаны қорғау мен экологиядағы өзекті мәселелер жатады. Осы жағдайға қатысты бүгінгі таңда ауданымызда түрлі ауқымды іс-шаралар жүзеге асырылып келеді. Қоршаған ортаны, ондағы жасыл желекті аялау, табиғи ресурстарды тиімді пайдалану мен оның байлықтарын сақтау және көркейту әрбір адамзаттың міндеті. Осы орайда, аудандық білім бөлімінің ұйымдастыруымен өткен «Эковолонтер» байқауына №1 жалпы орта білім беретін мектеп-гимназиясының оқушыларынан құралған "Жас экологтар" еріктілер тобы қатысып, аудандағы ластанған аумақтарды тазалап, табиғатты қорғау жолында түрлі игілікті істер атқарып, жүлделі І орын иеленіп, кубок пен дипломмен марапатталса, жетекшілері А.Коканбаева, Л.Жолдыбаева "Алғыс хатқа" ие болды және облыстық байқауға жолдама алды! Экологияны қорғау жолында белсенділік танытқан байқау жеңімпаздарын шын жүректен құттықтаймыз!