"Тәуелсіздік құндылықтары: өткенге тағзым, болашаққа аманат" тақырыбында кездесу өткізілді.

"Ұлттық құндылықтардың бастауы-тарих" онкүндігі аясында 2022 жылдың 14 желтоқсан күні А.Асқаров атындағы жалпы орта білім беретін мектеп-гимназиясында Қазақстан Республикасының Тәуелсіздік күніне орай, жас ұрпаққа қазақ халқының Тәуелсіздік жолындағы ерлік күресі, мәңгілік елдің босағасын бекітер бүгінгі жас, аға ұрпақтың өткенінен тағылым алып, жастар өз тағдырларына өздері иелік ететін азаматтар болуы үшін, өмірдің өзінен алынған шынайы оқиғалардың ортасында болған аға -апаларының әңгіме-өнегесін, тарих беттеріндегі қалған парақтарды еске түсіру, түсіндіру мақсатында "Тәуелсіздік құндылықтары: өткенге тағзым, болашаққа аманат" тақырыбында кездесу өткізілді. Кездесуге қара бастың қамын емес, қазағының арын ойлап Алматының орталық алаңында отаршылдыққа қарсы шыққан рухты жастар- "Желтоқсан-86" оқиғасына қатысқан, елі, жері үшін тартысқа түскен Жаналиева Ляйля, Айтбаева Гүлсім, Жуанышева Эьмира, Абиров Рысбек және Меркі ауданы  "Жастар" ресурстық орталығының мамандары қатысты. Кездесу барысында желтоқсан құрбандарын 1 минут еске алып, 6 "А" сынып оқушылары поэтикалық сағат ұсынды, көріністер көрсетіліп, Тәуелсіздік жетістіктеріне шолу жасалды.