«Құқықтық тәртіп және әлеуметтік жауапкершілік»

Асанбай Асқаров атындағы жалпы орта білім беретін мектеп-гимназиясы 02.03.2026 күні мектептің тәрбие жоспарына сәйкес білім алушылар арасында «Құқықтық тәртіп және әлеуметтік жауапкершілік» тақырыбында тәрбие сағаты өткізілді. Іс-шараның мақсаты – оқушыларға құқықтық тәртіп ұғымын түсіндіру, заң талаптарын құрметтеуге тәрбиелеу, қоғам алдындағы жауапкершілігін арттыру.
Тәрбие сағаты барысында білім алушыларға Қазақстан Республикасының Конституциясы, Қазақстан Республикасының Әкімшілік құқық бұзушылық туралы кодексі, Қазақстан Республикасының Қылмыстық кодексі туралы түсінік беріліп, құқық бұзушылықтың алдын алу, кәмелетке толмағандардың жауапкершілігі, мектептің ішкі тәртіп ережелері кеңінен түсіндірілді. Сонымен қатар әлеуметтік жауапкершілік, қоғамдық ортада өзін-өзі ұстау мәдениеті, үлкенге құрмет, кішіге ізет көрсету мәселелері жан-жақты талқыланды.
Оқушылар өз ойларын ортаға салып, жағдаяттық сұрақтарға жауап беріп, пікір алмасты. Іс-шара тәрбиелік мәні зор, мазмұнды әрі белсенді түрде ұйымдастырылды.
Қорытынды: Оқушылар құқықтық тәртіп пен әлеуметтік жауапкершіліктің маңызын түсінді.