«Заң және тәртіп»

Асанбай Асқаров атындағы жалпы орта білім беретін тірек мектеп-гимназиясында «Заң және тәртіп» қағидаты аясында 27.04 2026 күні 8-11 сынып оқушыларымен «Жасөспірімдердің арасындағы құқықбұзушылықтың алдын алу және оны болдырмау» тақырыбында құқық қорғау органдары өкілдерінің қатысуымен кездесу өткізілді.
Құқық қорғау органдарының өкілдері оқушыларға Қазақстан Республикасының заңдарына сәйкес құқықтары мен міндеттері туралы түсіндірме жұмыстарын жүргізіп, түрлі құқықбұзушылықтардың алдын алу жолдары жөнінде нақты мысалдар келтірді.
Іс-шара барысында оқушыларға құқықтық сауаттылық, заң талаптары және жауапкершілік мәселелері түсіндірілді. Сонымен қатар оқушылардың қауіпсіздігі мен тәртібіне қатысты маңызды ескертулер берілді;
Соңғы қоңырауда түлектер кешін ұйымдастыруға тыйым салынатыны, түнгі уақытта себепсіз көшеде жүруге болмайтыны және көлік құралдарын басқаруға рұқсат етілмейтіні айтылды.
Оқушылар сұрақтар қойып, тиісті жауаптар алды.