"Тәуелсіз елдің ұландарымыз!" ертеңгілік

Қазақстан Республикасы Тәуелсіздігінің 30 жылдығын мерекелеу жоспарына сәйкес және балаларды Отанды сүюге, Қазақстан Республикасының рәміздерін қастерлеуге, патриотық сезімін оятатын, ел бірлігі мен тәуелсіздігін дәріптеу, туған жерге деген сүйіспеншіліктерін арттыруға тәрбиелеу мақсатында "Тәуелсіз елдің ұландарымыз!" атты мектепалды даярлық тобында ертеңгілік өтті. Ортаға шыққан даярлық тобының балапандары мерекелік шараны еліміздің әнұранымен ашты. Топ тәрбиешілері Б.Алипова мен М.Тажибекова балаларды қазақ халқының ұлттық киімін және біркелкі киіндіргені көпшілікті қуантты. Еліміздің туы түстес бірыңғай форманың өзі балапандардың бойындағы тазалығын, өздеріне деген сенімділігін білдіріп тұрғандай. Шеттерінен өнерлі балалар әннен шашу шашып, отан, ел мен жер туралы өлеңдерін оқыды. «Пусть будет солнце!», «Мен қазақпын!» әндері мен мың бұралған жігіттер мен қыздардың мерекелік би биледі. Басқа мерекелерді айтпағанда, еліміз үшін қасиетті саналатын Тәуелсіздік тойына ерекше дайындалған балапандар күні ертең патриот болып өсетіндері сөзсіз! Мектеп-гимназиямыздың директоры Бексултанова Мадина Болатқызы бұлдіршіндерді айтулы мерекемен құттықтап, өз елінің патриоты болуға, Тәуелсіздігімізді көздің қарашығындай қорғап, қастерлеуге шақырды.