"Жаңа Қазақстанның ертеңі» атты Балалар жылына арналған соңғы қоңырау

Мектеп-гимназиямызда 1-8 сыныптар аралығында "Жаңа Қазақстанның ертеңі» атты Балалар жылына арналған соңғы қоңырау салтанатты жиыны өтті. Қызығы мен қиыншылығы мол, әр оқу жылы қайталанбас тарихқа толы мектептің мерекесі, оқушылардың сыныптан-сыныпқа көшіп, асыға күткен жазғы демалысқа шығарып салатын соңғы қоңырау салтанатында мектеп-гимназия директоры Мадина Болатқызы мектептің 2021-2022 оқу жылындағы жетістіктерді айтып, жазғы демалыста кітап оқып, жақсы күндерге толы болуын, күзде мектепке аман-есен оралуына тілек білдірдіріп, оқу жылының аяқталуымен құттықтап, оқу жылын табысты аяқтаған мектеп оқушыларына мақтау қағаздары табыс етті. Директордың оқу ісі жөніндегі орынбасары Гулфария Аманқызы бұйрық оқып, үздік оқушылар марапатталды. "Үздіктер" шеруінде оқу жылында жетістікке жеткен білім алушылар ортаға шығып, қошеметке ие болды. Бастауыш сыныппен қоштасқалы тұрған бүлдіршіндер жүрекжарды тілектерін білдіріп, әндер айтылып, флешмоб биленді.