«Сыйлыққа кітап»акциясы

«Оқуға құштар мектеп» жобасын жүзеге асыру, кітап оқу арқылы оқу сауаттылығын арттыруға тәрбиелеу және кітапханадағы кітап қорын әр саладағы әдебиеттермен, балаларға арналған кітаптармен толықтыру, қазақ әдебиетінің кітаптарын насихаттау, жастарды рухани және патриоттық тәрбиеге баулу, оқырмандарды кітап оқуға тарту мақсатымен №1 жалпы орта білім беретін мектеп-гимназиясында «Сыйлыққа кітап»акциясы өткізілді. Игі іс-шараны мектеп-гимназия директоры Мадина Болатқызы Бексултанова бастап сыйлыққа кітаптар сыйлай отырып, акцияның маңыздылығына тоқталып өтті. Сондай-ақ, əр сыныптың оқушылары мен ата-аналары, ұстаздар белсене қатысып, қызықты, танымды, көркем әдеби кітаптарын риясыз сыйлады.