№1 жалпы білім беретін мектепте «Сыйлыққа кітап – В подарок -книга» акциясының өткізу туралы мәлімет

Өскелең ұрпаққа кітап адам өміріндегі маңызы зор қазына екенін ұғындыру, кітап оқуды дағды ретінде қалыптастыру, кітап әлемін насихаттау және кітап қорын заманауи басылымдармен толықтыру мақсатында 2018 жылдың 1 қазан – 20 қазан аралығында кітапханашылар Ф.Умбеталиева, С.Мәуленқұлова, ДТІЖО А.Айтбаеваның ұйымдастыруымен «Сыйлыққа кітап – В подарок -книга» атты акциясы болып өтті. Акция шарттары бойынша, сыйға 2010 жылдан бастап жарық көрген қазақ және орыс тілдеріндегі тарихи романдар, ғажайып оқиғалар, фантастика, балалар және заманауи әдебиеттер, ертегілер қабылданды. Акцияны құттықтау сөзбен ашқан мектеп директоры А.Алтынбаева мектеп ұжымы, ата-аналар мен оқушыларға шығармашылық ізденіс, толассыз табыс тілеп, тың бастамалардың рухани ордасына айнала берсін деген ізгі тілегін жеткізді. Шара барысында мектептің 9 «В» сынып оқушысы Н.Мустафаева, 5 «Б» сынып оқушысы А.Шерімбай «Кітап» өлеңін тебірене оқыса, «Алау» тобының орындауындағы «Астана» әні шараның мәнін одан әрі арттыра түсті.