09
декабрь
2020
"Желтоқсан-86" орталығына виртуалды саяхат
"16 желтоқсан- Қазақстан Республикасы Тәуелсіздік күні" мерекесіне және мектептің тәрбие жоспарына сәйкес, бабаларымыздың қанымен, білегінің күшімен, найзасының ұшымен келген киелі де қасиетті тәуелсіздіктің қандай қиындықпен келгені туралы түсіндіру, тәуелсіздікке қол жеткізу үшін қаншама қиындықты бастан өткеріп, 1986жылғы Желтоқсан оқиғасына қатысқан барша боздақтарды еске алып, олардың ерліктерін дәріптеу мақсатында №1 жалпы білім беретін мектеп-гимназиясының оқушылары "Желтоқсан жаңғырығы" тақырыбында Жамбыл облыстық тарихи-өлкетану мұражайындағы "Желтоқсан-86" орталығына виртуалды саяхат жасады. Директордың тәрбие ісі жөніндегі орынбасары А.Айтбаева Желтоқсан көтерілісінің ұлт тарихында қалдырған ызғары туралы айтып, сөз кезегін «Желтоқсан 86» орталығының меңгерушісі Қабылбекова Ляззат Бахытқызына берді. Ляззат Бахытқызы орталықтағы экспонаттардың тарихымен, мұзда айтылған жастардың жанайқайы мен қырғынға ұшыраған қаракөздеріміздің шыбын жанының шырылы осы күнге дейін естілетіндей картиналар,тәлім тәрбиесі өте жоғары мағыналы толғауларымен бөлісіп, таныстырды.