«Мамандық таңдау – болашаққа нық қадам»
Асанбай Асқаров атындағы жалпы орта білім беретін мектеп – гимназиясында 2024 жылдың 29 сәуір күні «Мамандық таңдау – болашаққа нық қадам» тақырыбында кездесу өткізілді. Мақсаты: білім алушылар өмірі туралы, мамандықтар туралы көзқарасын дамыту, олардың адам өміріндегі алатын орны, маңызы туралы түсінік бере отырып, өз бейімділігі мен қабілетіне сәйкес мамандық таңдай білуіне ықпал жасау, жас мамандармен кездесу және бағыт-бағдар , кеңес беру. Іс шараға «Жастар ресурстық орталығы» бизнес – тренер Малдыбайқызы Айжанат, Жеке кәсіпкер Дюсебаева Жамиля Беримкуловна , ДТІЖО Айтбаева Айнур Кумисбекқызы, мектеп социологы Досалы А.А., 8-9-10 сыныптар қатысты, кәсіби бағдар беруші педагог Коканбаева А.К., кездесу қатысты. Кездесу барысында бизнес – тренер Малдыбайқызы Айжанат кәсіп бастау түрлерімен таныстырып, оларға бөлінетін гранд түрлерімен таныстырды.
«Жастар ресурстық орталығының” қызметкерлері 21 жастан 35 жасқа дейінгі жастарды қолдауға бағытталған 2,5%-дық шағын несие, сонымен қатар, "Жастар практикасы", "Алғашқы бос жұмыс орны", "Қоғамдық жұмыс", "Әлеуметтік жұмыс орны", "Бастау-Бизнес", “Дипломмен ауылға” бойынша түсіндірме жұмыс жүргізді. Жеке кәсіпкер Дюсебаева Жамиля Беримкуловна «Фитнес клуб» спорттық жаттықтыру салауатты өмір салтын ұстану бойынша кәсіп ашып, соны дөңгелетіп отырған жас кәсіпкер. Кәсіпкер қазіргі таңда өзінің жеке орталығы бар, сонда ол қабылдау жүргізеді.Шеге терапиясы білім алушыларға жүргізіп көрсетті, Шеге терапиясының 1 сеансы 10000тг тұратынын айтты. Осылайша кәсіп ашып ақша табуға болатынын айтты.
