«1 қыркүйек – білім күні»

«№1 жалпы орта білім беретін мектеп - гимназиясы» КММ

Мерзімі 01.09.2021ж

Қатысқандар 1 сыныптар

Мақсаты: Оқушыларға білім күні мерекесі болашаққа айқын мақсаттарымызды бағыттайтын үлкен айтулы күн екенін ұғындыру, білімге деген құштарлығын арттыру, еліміздің білімді, тәрбиелі азаматын елжандылыққа тәрбиелеу.

№1 жалпы орта білім беретін мектеп-гимназиясында биылғы 2021 – 2022 оқу жылының басталуына орай 1 сынып оқушыларына арналған «Кел, балалар, оқылық!» атты алғашқы қоңырау салтанатты жиыны өткізілді. Білім мерекесі күніне қолдарына әртүрлі шарлар ұстаған жүздерінен қуаныштың ұшқыны жалындаған, білім теңізіне алғаш қадам басқан 1-сынып оқушыларының шеруімен басталды.

Мектеп табалдырығын аттаған 1 сыныптың білім алушылары жаңа «Әліппе» оқулығымен қуана қауышты. Алғаш оқулықты «А» әріпінен бастағаннан баланың жүрегінде ұлттық рух қалыптасатын болса, ол азамат ертең өз елінің үлкен патриоты болатыны айдан анық. Сондықтан әріптердің, дыбыстардың реттілігінің бәрі Ахмет Байтұрсынұлы анықтаған ұстанымдармен сәйкес келуі – бұл жаңа «Әліппенің» үлкен ұлттық рухтағы жаңалығы деп айтуға болады. Мектеп директоры М.Бексултанова және аудандық білім бөлімінің әдіскері Ж.Болатовна, ардагер ұстаздар мектеп табалдырығын алғаш аттаған бүлдіршіндерімізге «Әліппе», «Букварь» кітабын табыс етті.

Суретте іс-шарадан көрініс:

Әліппе әлемі – әріппен әдемі