«Ахмет Байтұрсынов - зиялылар көсемі» атты көрме туралы хабарлама
«№1 жалпы орта білім беретін мектеп - гимназиясы» КММ
«Ахмет Байтұрсынов - зиялылар көсемі» атты көрме туралы хабарлама
Мерзімі: 03.09.2021ж
Қатысқандар: 9 «А» сынып
Мақсаты: А.Байтұрсыновтың өмірі мен шығармашылығы туралы түсінік беру, оқушыларды қазақ тілін құрметтеуге баулу.
Мектеп кітапханасында Ахмет Байтұрсыновтың туғанына – 150 жыл толу қарсаңында «Ахмет Байтұрсынов – зиялылар көсемі» атты кітап көрмесі ұйымдастырылды. Кітап көрмесіне «Әліппе», «Букварь», «Қырық мысал», «Алаштың ардағы», «Әдебиет танытқыш» атты кітаптары және ақынның қысқаша баяндалған өмірбаяны, нақыл сөздері қойылды. Кітап көрмесімен тұрақты оқырмандарымыз таныстырылды.
Тұңғыш «Әліппені» жазған ұлт ұстазы Ахмет Байтұрсынұлы:
«Балалар, оқуға бар, жатпа қарап..» - деп білім алуға шақырған. Алғаш оқулықты «А» әріпінен бастағаннан баланың жүрегінде ұлттық рух қалыптасатын болса, ол азамат ертең өз елінің үлкен патриоты болатыны айдан анық. Сондықтан әріптердің, дыбыстардың реттілігінің бәрі Ахмет Байтұрсынұлы анықтаған ұстанымдармен сәйкес келуі – бұл жаңа «Әліппенің» үлкен ұлттық рухтағы жаңалығы деп айтуға болады.
Кітапханашылар көрмеге қойылған кітаптар мен мәліметтермен 8 – 9 сынып оқушыларын таныстырды. 9 «А» сынып оқушысы Бақберген Әсет «Әліппе» кітабын әлі күнге дейін ұнататыны туралы әңгімелеп берді. Оқушылар жаңа оқу жылында «Әліппе» мен «Букварь» кітаптарының қайта қолданысқа берілгеніне қуанышты екендерін жеткізді.
Ахмет Байтұрсынұлы туралы оқырмандарымыз жақсы мәліметтер алып, білімдерін шыңдады.
Суретте іс-шарадан көрініс:
