«Оқуға құштар мектеп» жобасы, «100 оқулық» жобасы аясында «Түртіп алып оқу» байқауы туралы хабарлама
Жамбыл облысы әкімдігінің білім басқармасы Меркі ауданының білім бөлімінің «№1 жалпы орта білім беретін мектеп-гимназиясы» КММ
«Оқуға құштар мектеп» жобасы, «100 оқулық» жобасы аясында
«Түртіп алып оқу» байқауы туралы хабарлама
Өткізілген күні: 24 .12.2021 ж.
Өткізілген орны: 2 қабат, «Оқуға құштар мектеп» бұрышы
Қатысқандар: 8, 9, 10 сыныптары
«Оқуға құштар мектеп» жобасы аясында, «100 оқулық» жобасы аясында «Түртіп алып оқу» байқауы болып өтті. Білім алушыларға білімнің кітап арқылы берілетіндігін ұғындыру, кітап оқуға құмарлығын арттыру, кітап оқуды насихаттау, сөздік қорын, ой өрісінің дамуын, рухани байлығын, ойын арқылы шығармашылық қабілеттерін арттыру мақсатында «Түртіп алып оқу» 8,9,10 сынып білім алушылары арасында топтық байқауы өткізілді. Жалпы топтық байқау 5 кезеңнен тұрды: «Таныстыру», «Буктрейлер шеруі», «Тұртіп алып оқу», «Шығармалар сөйлейді», «Екі жақты күнделік». 1 кезең таныстырудан соң 2 кезеңде 8 «А» сыныбы «Алғырлар» тобы Б.Момышұлының «Ұшқан ұя», 9 «А» сыныбы «Білімпаздар» тобы Ахмет Байтұрсыновтың «Маса», 10 «А» сыныбы «Қыран» тобы Сайын Мұратбековтың «Жабайы алма» шығармаларынан буктрейлер ұсынып, 3 кезеңде аталған шығармалар бойынша түртіп алып оқу «INSERT» әдісі арқылы өз ойларын қағаз бетіне түсірсе, шығармалар бойынша постер қорғап, соңғы «Екі жақты күнделік» кезеңінде шығармалардан үзінді жазып, өмірде пайдалануға болатыны туралы дәлелдеді. Әрбір кезеңде барлық топтар белсенділік танытып, өздерінің білімдерін дәлелдеп, ойынның қызу өтуіне атсалысты. Нәтижесінде: 1 орын – 8 «А» сыныбы «Алғырлар» тобы, 2 орын – 10 «А» сыныбы «Қыран» тобы, 3 орын – 9 «А» сыныбы «Білімпаздар» тобы иеленіп, дипломдармен марапатталды.
Суретте іс – шарадан көрініс:
