«Жаяу жүргінші»

№1 жалпы орта білім беретін мектеп-гимназиясында "Жол ережесінің қауіпсіздігі" айлығы жоспарына сәйкес, «Жаяу жүргінші» атты оқушылардың жолда жүру ережесі, жол белгілерінің түрлері жайында білімдерін толықтыру мақсатында сурет байқауы болып өтті. Жол заңы дұрыс жүріп, абай болуды талап етеді. Жол тәртібін бұзба, ол қатер тудырады. Жолдың қалыпты қозғалысы көбінесе балалардың жол бойында қалай болса солай жүріп, доп қуалайтыны, шаңғы тебетіні, жүріп бара жатқан машинаға жабысатыны, қалтарыстан жолға шығып келетіні салдарынан бұзылады. Үлгілі, тәртіпті оқушы көшеде, жолда жүру ережесін, заңын бұзбайтыны туралы айтып, өз ойларын қағаз бетіне түсірді. Сурет байқауына оқушылар белсене қатысып, лездемеде дипломдармен, алғыс хаттармен марапатталды.