«Біз, Сізді мақтан етеміз!»

«Туған мектепке тағзым!» акциясы аясында «Біз, Сізді мақтан етеміз!» тақырыбында №1 жалпы орта білім беретін мектеп-гимназиямыздың түлегі, аяулы ұстаз, ардақты ана, «Білімнің жаққан шырағын» атты энциклопедияның идея авторы, Қазақстан журналистер Одағының мүшесі, облыстық педагогикалык «Білім шырағы» газетінің, «Жас дарын» журналының бас редакторы - Бостанова Райхан Ілиясқызымен кездесу кеші болып өтті. Кеш «сыңғырлаған» қоңырау үнінен басталып, келген қонағымыздың жүріп өткен дара жолы, жеткен жетістіктері, мектептегі ұмытылмас оқушылық өмірі, «Балалық шаққа саяхат», «Ашық микрофон» түлектер лебізі, «Есіңізде ме?» ойыны жүргізіліп, мың бұралған бишілер би билеп, болашақ журналистер мәнеріне келтіріп өлең оқып, патриоттық әндер тартуланды. Ұстазы - Ахметханова Багила Тұралықызы кеш қонағымен болған қызық жайттарды еске алды, мектеп-гимназиямыздың директоры Бексултанова Мадина Болатқызы бүгінгі кездесу-кештің мақсаты мен маңыздылығына тоқталып өтті. Кеш соңында Райхан Ілиясқызы зор тебіреніспен өткен сұхбаттан соң мектебіміздің 5 ұстазына облыстық «Озық сабақ» журналына және 5 озат білім алушыға «Жас дарын»журналына бір жылға тегін жазылу сертификатын және мектепке «Ксерокөшірме» аппаратын сыйға тартулады. Кеш көрермендері табысқа жеткен жолдары туралы, кейінгі ұрпаққа үлгі болар тағылымдық-тәрбиелік мәні зор кешке келгеніне алғыс білдірді.