«Біз жол-көлік ережелерін қаншалықты білеміз?»
Жол-көлік оқиғасының алдын алу бойынша «Жол қозғалысы ережелерін білу - қауіпсіздік негізі» Ұлттық бағдарламасы онкүндік аясында мектеп оқушыларының жолдағы қауіпсіздігін қамтамасыз ету, жол қозғалысы қауіпсіздігіне адамдық факторлардың әсерін азайту, жол қозғалысы ережелерін бұлжытпай орындауға қол жеткізу, көшеде дұрыс жүріп, жол ережесін сақтауға тәрбиелеу мақсатында 2019 жылдың 5 қыркүйек күні №1 жалпы білім беретін мектебінде 2-7 сыныптар оқушылары қамтылған «Біз жол-көлік ережелерін қаншалықты білеміз?» тақырыбында кездесу болып өтті. Кездесуде Меркі аудандық полиция бөлімінің жол-техникалық инспекциясының полиция капитаны – Тыналиев Данияр Муратбекұлы оқушыларды «Жол бойындағы қауіпсіздік» шараларымен таныстырса, Меркі аудандық білім бөлімінің әдіскері – Тлеужанов Мейірлан Тлеужанұлы балалар мен жеткіншектер арасында абайсызда болатын жол-көлік оқиғасы автокөлік жүргізушінің, не болмаса жаяу жүргіншінің жол қозғалыс ережесін білмеуінен туындайтынын айтып, жолда жүру ережелерін сақтауға шақырды, Меркі аудандық «Жастар» денсаулық орталығының меңгерушісі Адешова Халбүбі Жексенбіқызы оқушылардың жолда жүру ережелері бойынша қызықты викториналық ойын ойнатты. Кездесу соңында оқушыларға «Жол дос» тақырыбында жол қауіпсіздігіне байланысты бейнеролик көрсетіліп, оқушылар мектеп пен үй аралығында қандай жол ережелері кездесетінін анықтап, әр сынып лозунгтарымен жолда жүру ережелері бойынша ұрандарын айтты. Кездесу нәтижесінде оқушылар үнемі жол ережесін сақтау, естен шығармау керектігін білді.
