Ашық сабақ

№1 ЖББмектебінің тарих пәні мұғалімі Ж.А.Сахова 20 қараша күні 9 «А» сынып оқушыларымен «Қазақ шаруаларының қарулы көтерілістері және Кеңес үкіметінің жазалау шаралары» тақырыбында ашық сабақ өткізді. Сабаққа негізделген оқу мақсаты: Оқушылар Қазақстандағы өкімет орындарының жүргізген саясатына деген наразылығы, қазақ шаруаларының қарулы көтерілісі мен Кеңес үкіметінің жазалау шаралары, ұлт-зиялыларының қоғамдық-саяси көзқарастары туралы қорытынды шығарады. Сабаққа тарих пәні мұғалімі Абишева Назира Базарбайқызы, ДҚТІЖО Айтбаева Айнұр Күмісбекқызы және ДОТІЖО Адильбекова Айнұр Серікқызы қатысты. Сынып оқушылары 2 топқа бөлініп, берілген тапсырмаларды белсенділік таныта отырып орындады. Сабақтың әр кезеңінде «Бағдаршам» , «Екі жұлдыз, бір тілек» арқылы қалыптастырушы бағалау жүріп отырды. «ДЖИГСО», «Бұрыс және Дұрыс», «Ішіне, сыртына», «Шынжыр» әдістері арқылы оқушылар сабақтың мақсатына жетті. Оқушылардан «+,-,қызық» әдісі арқылы кері байланыс алынды.