Химия және биология пәндері мұғалімдеріне арналған “ Дағдылар мен құзыреттіліктерді дамыту бойынша, үздіксіз білім беруді қамтамасыз ету” – тақырыбында аудандық семинар практикум
Ағымдағы жылдың 28 қараша күні Меркі ауданы, Асанбай Асқаров атындағы жалпы орта білім беретін мектеп – гимназиясында химия және биология пәндері мұғалімдеріне арналған “ Дағдылар мен құзыреттіліктерді дамыту бойынша, үздіксіз білім беруді қамтамасыз ету” – тақырыбында аудандық семинар практикум өтті.
Семинардың мақсаты: Мұғалімдердің кәсіби құзыреттілігін арттыру, оқытудың әдіс-тәсілдері мен әртүрлі құралдарын қолданудың тиімділігін асыру .
Семинардың ашылуында химия және биология пәндерінің аудандық әдіскері Қалдыбай С пен мектеп-гимназиясының директоры Бексұлтанова М.Б ұстаздық қызмет жолындағы оқушылардың құзыреттілік дағдысын үздіксіз дамыту-әр сабақ барысында әр-түрлі саралау тапсырмалары арқылы қалыптастыру үшін, тиімді әдіс-тәсілдерді қолдану болып табылатындығы туралы айтып өтті. Семинар практикумда биология пәнінен Отарбаева А.А 9 сыныпта «Бөліп шығару жүйесінің гигиенасы» тақырыбында ашық сабақ пен қатар «Тиімді әдіс тәсілдер-сапалы сабақ кепілі» тақырыбында коучинг өткізді.
Химия пәнінен Игенбек Н.А 11 сыныпта «Көмірсулардың құрылымы,қасиеттері және қолданылуы. №6 зертханалық жұмыс «Альде гидоспирт ретінде глюкозаның химиялық қасиеттері. Крахмалға сапалық реакция» тақырыбында және Кулмаханбетова Р.А 9 сыныпта ««Окислительно-восстановительные реакции» тақырыбында ашық сабақ өткізді. Сабақтар барысында зертханалық жұмыс жүргізіліп, жұптық, топтық және саралау тапсырмалары бойынша жек жұмыстар жүргізілді. «Wordwall» және «Learningapps.org.» платформалары қолданылды. Сабақтар жоғары деңгейде өтті. Сонымен қатар «Таңғажайып тәжірибелер» айдарында «Фреон жыландары», «Алақандағы от», «Химиялық вулкан» «Шыраның от алуы» тәжірибелері көрсетілді. «PISA тапсырмаларын білім беру сабағында пайдалану жағдайы » тақырыбындағы коучинг барысында функционалды тапсырмаларды дайындау жолдары туралы үлгі көрсетілді.
