12
декабрь
2022
📰🗞️📰"Журналист - қоғамның заңды сақшысы"
📰🗞️📰"Журналист - қоғамның заңды сақшысы" кездесу📰📰🗞️ Қоғам қайраткері«QAZAQSTAN DAUIRI» газетінің, республикалық «Мөлдір бұлақ» балалар журналының Бас директоры, «ЕлАна» қоғамдық қорының президенті, «ЕлАна» қоғамдық-танымдық, әлеуметтік-ақпараттық сайтының Бас редакторы, Қазақстан Республикасы Журналистер Одағының мүшесі - Сәуле Мешітбайқызы Мешітбаевамен "Журналист- қоғамның заңды сақшысы" атты кездесу өткізілді. Кездесуге аудандық "Меркі тынысы" газетінің бас редакторы Әтіркүл Тәжібайқызы Исаева журналистика мамандығының қиындығы мен қызығы туралы айтып өтсе, "Асанбайтану" үйірмесінің білім алушыларының мәнерлеп оқуынан басталып, ақпарат құралдары арқылы халықтың жанайқайын билікке жеткізіп, қоғамның ауыр жүгін арқалап жүргені өз алдына, халық арасында «Ел анасы» атанып кеткен - Сәуле Мешітбайқызының өмірбаянымен таныстырылды. Педагогтер мен мектеп бітіруші түлектерге өзінің еңбек жолымен таныстырып, қызметті де, отбасын да қатар алып, 4 баланың анасы, 8 немере, 1 шөберенің әжесі екенін, журналистика мамандығына қалай келгендігі туралы айтты. Үлкен тақырыптарды көтеріп, соларды жеріне жеткізіп жазды. Жасына қарамастан журналистикада сүбелі-сүбелі тақырыптарға батыл түрде барып, ол мақалаларға үнемі он мыңдаған оқырмандардың үн қосуы С. Мешітбайқызының талантын тағы бір биіктерден көрсетті. Журналист ретінде, С.Мешітбайқызы бүкіл республиканы, жүздеген аудандар мен шалғай ауылдарды ерінбей аралап, ауыл шаруашылығы, білім, денсаулық, жастар тағы сол сияқты тақырыптарды көтеріп, бірнеше экспедициялар ұйымдастыруы, көтерген мәселелерінің оң шешім тауып отыруы ол кісінің қайраткерлігін, күрескерлігін дәлелдейді. Білім алушылар тарапынан сұрақтар қойылып, мектеп-гимназия директоры М.Бексултанова сыйлық тапсырып, естелікке фотосуретке түсті.