"Кәсіпкерлік - өмір талабы" тақырыбында кездесу

«Кәсіпкерлік - өмір талабы» тақырыбында 2022 жылдың 28 қыркүйегінде А.Аскаров атындағы жалпы орта білім беретін мектеп – гимназиясында Меркі аудандық Өрлеу шығармашылық орталығының мұғалімі «Юный садовод» үйірмесінің жетекшісі Мамедов Вадим Якоблевичпен кездесу ұйымдастырылды. Кездесуге директордың тәрбие ісі жөніндегі орынбасары Айтбаева Айнур Кумисбекқызы, директордың бейіндік ісі жөніндегі орынбасары Касымова Нурзада Койшыгуловна, кәсіби бағдар беруші педагог Коканбаева Альбина Каныбековна, 9 «А», «Б», «В», «Г» сынып оқушылары қатысты. Кездесу барысында, Вадим Якоблевич 16 қыркүйек күні  Алматы қаласында өткен Халықаралық конференцияға қатысқанын айтты. Дүниежүзі бойынша Қазақстанда яғни Алматы облысында ғана апорт алмасы өсірілетінін мақтанышпен айтты. Алма сорттары мен селекциясын ашқан ғалымдармен таныстырды, энкцелопедияларымен бөлісті. Оқушыларды болашақта осы алма өсіру бойынша кәсіппен айналысуға болатындығын және де  3-4 соттық жердің өзінен - ақ  1,2 мың әр түрден алма отырғызып,  түрлі алма сорттарын алуға болатындығын айтты. Осы  кәсіппен болашақта айналысудың тиімді жолдарын айта кетті. Жеміс ағаштарының сорттарын егу, алма ағаштарының сорттарын түрлерін білу бағыт алу мақсатында оқушылар жеке – жеке сұрақтар қойды. Әрбір қойылған сұраққа кеңінен жауап берген қонақпен  әңгімелер өрбіді.