зумм платформасы арқылы профориентологтар қауымдастығының төрайымы Тойбай Жадырамен онлайн кездесу ұйымдастырылды.
Асанбай Асқаров атындағы жалпы орта білім беретін мектеп – гимназиясында 2023 жылдың 19 қазан күні 10 «А», «Б», 11 «А», «Б» сынып оқушыларымен ДБІЖО - Касымова Нурзада Койшыгуловна және кәсіптік бағдар беруші педагог Коканбаева Альбина Каныбековна зумм платформасы арқылы профориентологтар қауымдастығының төрайымы Тойбай Жадырамен онлайн кездесу ұйымдастырылды.
Кездесудің мақсаты: болашақ мамандықты дұрыс таңдауға бағыт бағдар беру. Кездесу барысында Жадыра Тойбай білім алушыларға таңдап отырғын мамандықты тереңдей асықпай зерттеп алу керектігі туралы айтты. Тіпті болмаса сол саланың мықты деген маманнан кеңес алу керек, сол кезде болашағыңды айқындай түседі деп тоқталды.
Мемлекеттік білім грантының түрлеріне тоқталды.
Жалпы грантРеспубликалық білім грантының басым бөлігі осы жалпы грант. Мұнда грант оқу орнына емес, мамандықтар тобына бөлінеді. Яғни, грант алу мүмкіндігіңіз тек қана мамандыққа байланысты, қай университет таңдағаныңыз маңызды емес. Сондықтан, бұл грант түрін таңдағандар мейлінше ең жақсы оқу орындарын таңдаған дұрыс. "Мықты университетте конкурс жоғары болады" деген қате түсінік!
Атаулы(целевой)Мемлекет тарапынан кейбір оқу орнына арнайы гранттар бөледі. Бұл жерде әр оқу орнының грантқа шекті баллы әртүрлі. Бұл грант түрін иеленгендер грантын сақтай отырып басқа университетке ауыса алмайды. Себебі грант солниверситетке бөлінген. Атаулы грант кейбір мамандықтарда ғана бар.
Серпін-2050 Аймақтардағы еңбек нарығын реттеуге бағытталған арнайы грант түрі. Яғни, оңтүстік аймақтардың түлектеріне солтүстік немесе шығыс аймақтардағы оқу орындарында грантпен оқу мүмкіндігі. Серпін бағдарламасы тек кейбір мамандықтарда ғана бар және грантқа шекті балл өте төмен.
Әкімдік грантБұл әр облыстың өздері бөлетін, және өздері тағайындайтын грант. Бұл грант конкурсына қатысу үшін негізгі республикалық грант конкурсының нәтижесі шыққаннан кейін өз облысыңыздың әкімдігіне өтініш білдіре аласыз.
Ректор грантыӘр жоғарғы оқу орнының ішкі гранты. Бұл грантты әр оқу орталығы өздері тағайындайды. Және шарттарын да өздері белгілейді. Кейбіреуі олимпиада өткізсе, кейбіреуі ҰБТ-дан жоғары балл алып грант ұта алмаған талапкерлерге беріп жатады.
Көріп отырғаныңыздай грант түрі де, саны да көп. Грантқа түсу қиын емес, бастысы дұрыс таңдау жасай білу деп сөзін аяқтады. Білім алушылар көптеген сұрақтар қойып, білім алушылар сұрақтарына жауап ала алды.
