«Діни экстремизмге және терроризмге жол жоқ!»

2019 жылдың 28 ақпан күні №1 жалпы білім беретін мектебінің мәжіліс залында 9 - 11 сынып білім алушыларымен діннің өзекті тақырыптары бойынша Меркі аудандық ішкі істер бөлімінің діни экстреизмнің жедел алдын алу уәкілі, полиция майоры – Байтаков Ербол Мыңбайұлымен кездесу болып өтті. Кездесуді мектеп диекторының тәрбие ісі жөніндегі орынбасары А.Айтбаева ашып, келген қонақпен таныстырды. «Керім-ай» бишілер тобының бишілері «Кең дала» биін биледі. «Дінтану» пәні мұғалімі – Абишева Назира Базарбайқызы өзінің баяндамасы сабағында басқа қауіпсіздік сабақтарын өткізіп, онда экстремистік топтарды, тоталитарлық секталарды қалай білуге болатынын түсіндіріп, олардан қалай сақтану жолын көрсетіп отырды. Оқушыларға қазіргі уақытта әлемде қанша дін бар екенін, сонымен қатар олардың ішінде ресми түрде тіркелгендері туралы ақпараттар берді. Ал, Ербол Мыңбайұлы қазіргі уақытта белең алып отырған актуалды проблемалардың бірі терроризм, экстремизмге қарсы күрестің бірден - бір жолы – олар туралы өз уақытында шынайы мәлімет беру керектігіне тоқталып, Террористік іс-әрекеттерге тек ер адамдар ғана емес, сол сияқты әйел адамдар да баратындығы,соңғы кездері жанкешті – мерген әйел адамдардың көбеюі байқалатындығы, террористік іс-әрекеттерден соң мемлекеттік бюджетке материалдық шығын келтіретіндігі, көбінесе террористік әрекеттер адамдардың көп шоғырланған жерде мысалы: мектеп, әуежай, вокзал т.б. болатындығы туралы, әлеуметтік желілерде кез-келген тыйым салынатын сайттарға кіріп, тіркелсе және мәліметтерді таратса 226 000 теңге айыппұл салынатындығы туралы айтылды.Оқушылар көкейлерінде жүрген сұрақтар қойып, жауаптар алды. Кездесу соңында іс-шараларды ұйымдастырғаны үшін Мектеп директорын, тәрбие ісі жөніндегі орынбасарын, «Дінтану» пәні мұғалімін «Алғыс хатпен» марапаттады.