«Ерлік-елге мұра»

9 мамыр Жеңіс күні мерекесіне орай мектебімізде іс-шара жоспары жасалып, бірқатар жұмыстар атқарылды.
Адамзат тарихындағы ең сұмдық соғыстың болып өткеніне 74 жыл толды. Бұл сан мыңдаған ұрпақ үшін ортақ мереке. Бұл мереке – бейбітшілік пен қайырымдылықтың мәңгі жасампаздығын, Отанын қорғаған жауынгер-солдаттар мен офицерлердің айбыны, тылдағы Жеңісті жақындатқан жұмысшылардың ерлік еңбектерінің мәңгі өшпейтіндігін дәлелдейтін белгі болып қалмақ.
Осыған орай, 5-11 сыныптар арасында «Ерлік- ұрпаққа мұра», «Біз Отан қорғаушылармыз», «Еркін елдің ұланымыз» тақырыптарында тәрбие сағаттары өткізілді. «Отан үшін от кешкен ерлердің ерлігі ұмтылмайды» тақырыбында мерекелік жиын болып, соғыста қаза болған Кеңес Одағының батырлары, ардагерлеріміздің аттары аталып, 1 минуттық үнсіздік жарияланды. Мектепішілік іс-шаралар барысында 5-6 сынып оқушыларымен аудандыө мұражайға экскурсиялар ұйымдастырылып, соғыс ардагерлерінің ерен еңбектері айтылып, залға қойылған соғыс жәдігерлері оқушыларға үлкен әсер қалдырды. «Естелік вахтасын» ұйымдастыруда 10-11 сынып оқушылары белсене ат салысты.
Атаулы мерекелерді жоғары дәрежеде атап өту –кейінгі ұрпақтық естеліктер жалғасы болып табылмақ.