"Алтын күз"

Мектебімізде «Алтын күз» мерекесі өтті. Бұл тек күздің берген әдемі сыйы ғана емес, сонымен қатар оқушылардың өз өнерлерін көрсетуге де мүмкіндік алатын кезі. Бұл мерекеге 2-4 сыныптар қатысты. Оқушылар қазақ, орыс, ағылшын тілдерінде әндер мен тақпақтар оқып, күзгі балда жұп болып вальс биледі. Оқушылар күз мезгілі тақырыбына арнайы киімдер тігіп қорғады. Тапсырма жеңіл болмады, бірақ оқушылар орындап шықты. Байқау көңілді және қызықты өтті. «Көкөністер шеруі» байқауына қатысушылар тағамдарды күз бейнесінде жасап, өз шеберліктерін көрсетті. Байқауда әділқазылар күзгі балдың жеңімпаздарын анықтады. Жалпы мектепішілік мерекеге сынып жетекшілер үлкен жауапкершілікпен қарады. Алтын күз мерекесі жоғары дәрежеде өтті. Оқушылар қызығушылықтарын танытып, әр сайысқа зор үлес қосты.