«Мәңгілік Елім - Қазақстан» патриотық әндер байқауы

№1 жалпы білім беретін мектепте «16 желтоқсан –Тәуелсіздік күні» мерекесіне орай, жастарға патриоттық тәрбие беру, олардың отаншылдық сезімдерін арттыру мақсатында 2018 жылдың 13 желтоқсан күні «Мәңгілік Елім - Қазақстан» патриоттық әндер байқауы болып өтті. Байқауға 3-6 сынып оқушылары қатысты. Музыка пәні мұғалімдері Айтбаева Айнур Кумисбековна, Абенова Жазгульдің ұйымдастыруымен өткізілді. Байқау мектеп алды даярлық тобының оқушысы Валихан Бибінұрдың «Тәуелсіздік» атты толғауды мәнерлеп оқуымен ашылды.Жүргізуші әділ-қазылар алқасымен таныстырған соң, сахнаға 3 «А» сыныбы «Мәңгілік ел жастары» хорымен бастады. 3 «Б» сыныбы «Қазақстаным», 4 «В» сыныбы «Мен қазақпын», 4 «Б» сыныбы «Көкке өрле», 5 «Г сыныбы »«Атамекен», 5 «А» сыныбы «Қазақтай ел қайда», 5 «Б» сыныбы «Отан», 6 «А» сыныбы «Қазақ елім» атты әндерді шырқап, көпшіліктің ыстық ықыласына бөленді. Байқау соңында әділ қазылар алқасының анықтауымен байқау жеңімпаздарын мектеп директоры А.Алтынбаева мадақтамалармен марапаттады. Патриаоттық әндер байқауы өте тартымды, әрі қызықты болып өтілді. Оқушылар да, ата-аналар да дән риза.