04
апрель
2024
«Білім мекемелерінде медицина қызметкерлерінің жұмыс жүйесі»
Салауатты өмір салтын ұстану, білім мекемелердегі медициналық қызметкерлердің кәсіби шеберлігін жетілдіру, өзара тәжірибе алмасу мақсатында Асанбай Асқаров атындағы жалпы орта білім беретін мектеп-гимназиясы базасында «Білім мекемелерінде медицина қызметкерлерінің жұмыс жүйесі» тақырыбында семинар-практикум өткізілді. Ауданның білім мекемелерінің медициналық қызметкерлері қатысқан семинарды мектеп директоры- Мадина Болатқызы, аудандық білім бөлімінің әдіскері - Сауле Абдибайқызы ашып, мақсаты, міндеттерімен таныстырып, сәттілік тіледі. Іс-шара барысында директордың тәрбие орынбасары Айнур Кумисбековна, медицина қызметкері Жанат Атикова "Біртұтас тәрбие бағдарламасы" бойынша білім мекемелерінде медицина қызметкерлерінің жұмыс жүйесі мен құжаттар туралы ақпарат дайындаса, мектеп психологтары, әлеуметтік педагогтер "Құм терапиясы", "Жаман аттан аулақ ұста бойыңды!" топтық жұмыс жүргізіп, ситуациялық жағдаяттарға жауап алынып, "Инстаграмм" әдісі арқылы кері байланыс жүргізілді. 